Cultura, tradizioni ed enogastronomia a Udine. Vivi l'esperienza Friuli DOC per conoscere il territorio e le sue eccellenze. Udine 8-11 settembre 2016

F.A.Q.

CE ISAL FRIULI DOC?

Al è un viaç ae discuvierte dal Friûl Vignesie Julie midiant dai plats e dai prodots tipics tant che il persut di Sant Denêl e chel di Sauris, il formadi Montâs, il frico, i vins, lis sgnapis e tancj altris prodots. I apassionâts dal "bon mangjâ", i golôs e i curiôs a podaran, par cuatri zornadis, degustâ e cerçâ i tesaurs de enogastronomie, scuvierzint mil aspiets diferents di cheste regjon cjapade dentri tra lis monts e il mâr, tiere di confin e di passaç. Di no pierdi ancje i tancj apontaments: tra chei, mostris, spetacui, esposizions artistichis e produzions artesanâls, simpri intal rispiet des tradizions locâls plui antighis. Un program plen di savôrs, spetacui, musiche, laboratoris, ancje par fruts, e apontaments bogns di sodisfâ ducj i guscj e… dutis lis golis.

DULÀ CHE E CUANT SI FASIE LA MANIFESTAZION?

L'event al sarà a Udin dal 7 al 10 di Setembar dal 2017 intal centri storic.
Tra lis viis e lis placis, intai stands ospitâi e intai barachins, intai ristorants e intes ostariis si puedin cerçâ i tesaurs de enogastronomie furlane. In chescj lûcs, tant che tes andronis, sot dai puartis e intes galariis, la atmosfere e je indalegrade des esibizions di grups folcloristics, bandis musicâls, comics...

PAR CUI ISAL FRIULI DOC?

Par ducj! Sì, parcè che al ufrìs golosetâts e goloseçs no dome ai amants de buine cusine ma ancje a chei che a àn miôr i apontaments culturâi, lis mostris o i laboratoris. Al cjape dentri ogni fasse di etât sedi intes propuestis di animazion che in chês plui culturâls dulà che, dut câs, al è pussibil discuvierzi lis tradizions dal Friûl.

SÊSTU UN MUSICIST O UN GRUP E VUELISTU SUNÂ A FRIULI DOC?

Invie pûr a Questo indirizzo email è protetto dagli spambots. È necessario abilitare JavaScript per vederlo. la tô presentazion, specificant cuâl gjenar che tu sunis, la tô scjalute, se o sês un grup in trops che o sês, il to cachet eventuâl, se tu sês munît di service, e salacor un leam audio/video.
No sta a dismenteâ dal sigûr i tiei contats! Dutis lis propuestis a saran esaminadis cun cure, e tu podarâs cussì partecipâ ae prossime edizion!

LA JENTRADE ISE A PAIAMENT?

La jentrade ae manifestazion, ai spetacui, aes dimostrazions di cusine dal vîf, ai laboratoris, e je gratuite.
Ognidun al pues dopo sielzi cualis pitancis o cuâi vins cerçâ, a un cost contignût.

CUÂI SONO I ORARIS DI VIERTIDURE?

La inaugurazion uficiâl de manifestazion e je la joibe aes 17.30 in place Libertà.
Intai trê dîs daspò, i stand e i barachins a son vierts des 10.00 aes 02.00 vinars e sabide, la domenie fin aes 24.00.

ISAL DISPONIBIL IL PROGRAM?

Il program detaiât cun ducj i avigniments al sarà disponibil su chest sît.
Dilunc de manifestazion, il program al sarà distribuît tai ponts informatîfs sparniçâts pe citât.

E SE AL PLÛF?

Nuie pôre!! Lis placis e lis viis principâls a vegnin dotadis di tensostruturis che a consintin di partecipâ ae manifestazion rimedeant al discomut dal brut timp.
Cence dopo contâ dutis lis diviersis propuestis musicâls che a spaziin intai diviers gjenars e lis tantis ativitâts di animazion, laboratoris, cercis, incuintris e dimostrazions di cusine dal vîf, par grancj e picinins.

CEMÛT RIVIO E DULÀ PUEDIO PARCÂ?

Ae manifestazion tu puedis rivâ cui bus, in machine, in tren... Sielç il mieç plui just par te ma no sta a dismenteâ che plui tu ti svicinis al centri e plui al è complicât movisi...

DULÀ PUEDIO CJATÂ ACET?

Tantis a son lis struturis ricetivis in citât che a puedin dâur acet ai visitadôrs: albiercs, bed & breakfast, fitejets.
Si pues ancje cjatâ lozament tai agriturisims, a pôcs chilometris dal centri citadin. Une ufierte ample cun presits par dutis lis sachetis.
Book now!

A CUI PUEDIO DOMANDÂ INFORMAZIONS SU FRIULI DOC?

L'Ufici Turisim dal Comun di Udin al è l'ufici che al coordene la manifestazion intal so complès (tel. +39 0432 1272 275 - Questo indirizzo email è protetto dagli spambots. È necessario abilitare JavaScript per vederlo. )

E SE O VOLÈS CJAPÂ LA OCASION PAR COGNOSSI MIÔR IL FRIÛL VIGNESIE JULIE?

In place I° Maggio tu cjatis il Centri di informazions e acet turistic di Udin di PromoTurismo FVG che al savarà dâti ogni propueste utile par viodi ce che al va ben par te.
tel: +39 0432 295972
email: Questo indirizzo email è protetto dagli spambots. È necessario abilitare JavaScript per vederlo.
sito web:www.turismofvg.it

Regione FVG Turismo FVG Turismo FVG Camera Commercio Udine Confartigianato Udine Università degli studi di Udine Logo confcommercio Logo CNA Comune di Udine

Questo sito si avvale di cookie tecnici, di cookie analitici e di altri cookie, anche di terze parti, necessari per il funzionamento, per interagire con social network e per usufruire di servizi offerti dal sito. Chiudendo questo banner o accedendo a un'altra pagina del sito acconsenti all’uso dei cookie. Se vuoi saperne di più o negare il consenso a tutti o ad alcuni cookie, consulta la cookie policy. Leggi la nostra Informativa estesa per saperne di più.

#FriuliDoc23