FRIULI DOC 2020 FÂ FIESTE IN PLENE SIGURECE E “CUL CJÂF SU LIS SPALIS”
La edizion 2020 di Friuli Doc e ten cont in maniere atente de presince dal Covid-19.
Al è impuartant tutelâsi, cence ansie e cence ruvinâsi la fieste, ma cul "cjâf su lis spalis" e doprant la tecnologjie cu la app Eilo.
Par garantî la sigurece di se stes e di chei altris, al è impuartant:
- doprâ la mascarute protetive, taponant ben nâs e bocje
- mantignî lis distancis interpersonâls di almancul 1 metri
- lavâsi dispès lis mans cun aghe e savon, par almancul 60 seconts, o sfreolâlis cuntun gjel a base alcoliche
- evitâ di tocjâsi voi, nâs e bocje cu lis mans
- evitâ di imbraçâsi e di strenzi lis mans
- evitâ di dâsi dongje in masse personis
Intai ingrès di ogni aree de manifestazion a son a disposizion i prodots par sanificâ lis mans.
La temperadure corporie e ven regjistrade in automatic midiant dai Covid box. No si podarà jentrâ se la misure de temperadure e je plui alte di 37,5°.
Intes areis dedicadis ae ristorazion, si ordene, si consume e si paie dome stant in taule. Al è impuartant no doprâ butiliis, tacis o ogjets tocjâts di altris personis, e rispietâ la segnaletiche e lis indicazions dal personâl presint.
DISCJAME LA APP EILO
Eilo e je la aplicazion gratuite che e permet di acedi in plene sigurece a dutis lis areis di Friuli Doc, cence la necessitât di prenotâ (ma fin ae capience massime di ogni aree), in maniere semplice, veloce e, soredut, sigure. Si pues discjamâ dai stores uficiâi di Apple e Google. Daspò instalade, al baste fâ la regjistrazion e inserî i propris dâts.
Par jentrâ intai lûcs de fieste, al bastarà doprâ la funzion di scansion dal QR Code intai ponts di acès. Midiant de scansion dal QR Code, i dâts anagrafics dai visitadôrs che a jentrin a saran regjistrâts in maniere automatiche e salvâts in forme criptade. A vignaran furnîts aes autoritâts sanitariis dome se domandâts in maniere esplicite, daûr des normis in vore.
Tal câs di superament de capience massime di ogni aree di fieste di Friuli Doc, par evitâ il dâsi dongje di masse personis, si varà di spietâ il propri turni par jentrâ.
Cemût fâ:
- Discjamâ la app di Google Play Store pai dispositîfs Android o di Apple Store pai dispositîfs iOS.
- Notâsi dentri de app Eilo cu la creazion di un account personâl.
- Scansionâ il QR Code intai ponts di acès, par podê jentrâ.
- Scansionâ il QR Code che si cjate lant fûr des areis, par podê jessî.
