Friuli DOC e je la ocasion par scuvierzi, intun concentrât di emozions, la anime di un teritori un pôc fûr man, ma che propit par chest al è restât autentic e fedêl ae sô nature. Une tiere dulà che si tramande di gjenerazions la art di fâ robis buinis, e dulà che condividilis al è un plasê sclet. La sô capitâl, tal mieç dal Friûl, e je sede naturâl di cheste grande fieste e lis ostariis udinesis a son il cûr dal spirt di Friuli DOC. In chescj locâi tipics presints par ducj i cjantons de citât, il rituâl dal taiut si celebre ogni dì cun calôr e umanitât.  Ma, di là dai vins furlans, dal persut di San Denêl, dal formadi Montâs, de Gubane e di dutis chês altris ecelencis furlanis, Friuli DOC al ufrìs ancje la ocasion par visitâ Udin, la citât dal Tiepolo, cui siei cjantons venezians, i siei palaçs plens di storie, la sô tradizion di architeture, il so cjistiel rafinât.