Museus
Museus dal Cjistiel
Il Cjistiel, simbul de citât, za sede dal patriarcje di Aquilee e dal lutignint venit de Patrie dal Friûl, al è la sede dai Museus Civics dal 1906.
Il plan tiere al ospite il Museu dal Risorziment e il Museu Archeologjic: ducj i doi a son il risultât di une sielte museugrafiche une vore curade, furnide di supuarts multimediâi. Tal plan nobil si disvilupe il percors gnûf de Galarie di Art Antighe cun oparis di art preziosis che a van dal Tresinte al Votcent; tra chestis, lis pituris di Carpaccio, di Caravaggio e di Tiepolo. Tal tierç plan si pues amirâ il gnûf Museu Furlan de Fotografie, cu lis imagjins dal Votcent e dal Nûfcent dai fotografs plui cognossûts in Friûl, come Agricula, Pignat e Brisighelli.
No sta a pierdi la ocasion di visitâ la mostre “Un architetto cosmopolita in patria, Raimondo D’Aronco in Friuli”, vierte fin ai 8 di Zenâr dal 2023.
Cjistiel di Udin
Plaçâl de Patrie dal Friûl, 1
Oraris:
di martars a domenie des 10.00 aes 18.00
di martars a domenie des 10.00 aes 18.00
Sierât il lunis
Cjase Cavazzini
Donade ae citât di Udin di Dante Cavazzini par volontât testamentarie, la Cjase Cavazzini e je sede dal Museu di Art Moderne e Contemporanie di Udin.
Tal prin e tal secont plan dal edifici si disvilupe il percors espositîf permanent: la colezion Marangoni cun oparis di fin '800 e inizis dal '900, une sezion dedicade ai trê fradis udinês Dino, Mirko e Afro Basaldella, la colezion preziose Astaldi cun oparis di artiscj talians e forescj fatis dai agns '20 ai agns '60.
E je vierte la mostre “CONTRAPPUNTO 02. Dieci artisti, il Museo, l’Opera”, fin ai 23 di Otubar dal 2022.
Museu di Art Moderne
Vie Cavour, 14
Oraris:
di martars a domenie des 10.00 aes 18.00
Sierât il lunis
Museu Etnografic
Al è un dai museus plui biei tra chei dedicâts aes tradizions popolârs furlanis: tornât a vierzi di pôc, al espon colezions splendidis di art sacre, racueltis leadis al lavôr contadin, ai mistîrs antîcs, ae mont, aes fiestis tradizionâls, al insegnament. Al ufrìs une fotografie de vite furlane che i Ciceri a àn regalât ae Citât di Udin vincj agns indaûr.
Cumò e je vierte la mostre “Ricamo, un filo tra presente e passato”, fin ai 25 di Setembar dal 2022.
Cumò e je vierte la mostre “Ricamo, un filo tra presente e passato”, fin ai 25 di Setembar dal 2022.
Museu Etnografic
Borc di Grazzan, 1
Oraris:
di vinars a domenie des 10.00 aes 18.00
di vinars a domenie des 10.00 aes 18.00
Sierât dal lunis ae joibe