La citât

Cemût movisi tra lis propuestis di Friuli DOC

Tra palaçs signorîi, stradis elegantis e placis bielis tant zoiis, Udin e je pronte a ufrîus lis deliziis dal so teritori. Scuvierzêt in cheste pagjine ce che i lûcs principâi de fieste us proponin.
FriuliDOC2022_fur.jpg

Place Libertât – Place Contarene (Piazza Libertà)

La place, simbul de citât, e je la sede de inaugurazion, dal spetacul di danze e dal conciert finâl dal rapper Shade

Loze dal Lionel (Loggia del Lionello)

E ospite lis cunvignis principâls, i incuintris su lis biodiversitâts contadinis, laboratoris par fruts, cercis vuidadis di prodots tipics tant che il persut di San Denêl, il formadi Montâs, il vueli extravergjin di ulive e lis biris artesanâls furlanis

Marcjât Vieri (Via Mercatovecchio)

La zone principâl di Udin e je dedicade al artesanât: culì a son bancuts di esposizion e di vendite di creazions di ceramiche e di len, di specialitâts agroalimentârs, e ancje i Artigian-lab, laboratoris e dimostrazions pai adults e pai fruts dai mistîrs 

Cort Morpurgo e Sale Valle (Corte Morpurgo e Sala Valle)

Dentri di cheste cort splendide tancj apontaments, incuintris, esibizions di show cooking, cercis vuidadis e laboratoris par fruts; cun di plui, te Sale Valle, la Enoteche regjonâl e propon vins de regjon DOC e DOCG,  conseâts de Associazione Italiana Sommellier

Oraris Enoteche Regjonâl

La Enoteche regjonâl e vierzarà joibe ai 8 di Setembar aes 17.30 e e sierarà domenie ai 11 di Setembar aes 21.00

Place dal Domo (Piazza Duomo)

Par tradizion e je il puest dulà che si cjatin i savôrs de cusine de Cjargne: dai grassins ai formadis, dai prins plats ai dolçs, de bire ai distilâts. In place dal Domo al è ancje pussibil cognossi il mistîr dal casâr midiant di dimostrazions e di laboratoris par fruts
1814-GPS75906-.jpg

Place Venerio – Place dai Lens (Piazza Venerio)

Dulà cerçâ la cusine di mâr e bufulutis, ma ancje prins gustôs, gulasch di cenglâr, frico di coce e ricetis deliziosis cui piruçs

Place XX di Setembar – Place dai Grans (Piazza XX Settembre)

In cheste place si puedin gjoldi i gnocs di Godie, plats cun salvadi e cunin, il frico cu la polente, lis pomulutis di bosc di Atimis e i cais deliziôs di Trivignan

Plaçâl dal Ospedâl Vieri (Largo Ospedale Vecchio)

Culì si cjatin lis propuestis de gastronomie dal Cjanâl dal Fier e de Valcjanâl: dai gnocs di ciespis al sghinc, dal persut cuet a foncs e polente

Vie Aquilee – Borc d’Olee (Via Aquileia)

La strade e je dedicade ae raze bovine Beletade furlane (Pezzata rossa del Friuli) e aes specialitâts di pes di Triest; cun di plui, si cjatin lis propuestis gastronomichis gustosis de Pro Loco Città di Udine, chês dai esercizis comerciâi e dai artesans dal borc, e i bancuts de Stirie cui siei plats tipics

Place Matteotti – Place des Jerbis (Piazza Matteotti)

La place plui elegante di Udin e ospite i prodots cu la marche IO SONO FRIULI VENEZIA GIULIA 

Plaçâl de Patrie dal Friûl (Piazzale Patria del Friuli)

Di là dal panorame, te rive sù dal Cjistiel si cjatin i prodots e lis ricetis des culinis furlanis, lis specialitâts di taur e di bufal al spêt
Friuli-in-fiore.jpg

Vie Vittorio Veneto (Via Vittorio Veneto)

Tra i palaçs storics di cheste biele strade dal centri e je la mostre marcjât “Friuli in fiore” là che la nature e je protagoniste, tra plantis di ogni gjenar, droghis, lidrîs, robis pal zardin, artesanât in tiessût e in materiâi naturâi

Borc di Sant Cristoful (Piazza San Cristoforo)

Al è di visitâ par cerçâ la luianie e la purcite, il frit di pes, lis verduris fritis o lis fritulis di miluç

Vie Stringher – Contrade di Sante Marie dai Batûts e vie Savorgnane (Via Stringher e via Savorgnana)

A ospitin i bancuts che a àn a ce fâ cu la apiculture, chei dai vins des Vals dal Nadison e dal VeroAmaro Favero

Vie Paolo Sarpi – Contrade di Sant Pieri martar e galarie Tina Modotti (Via Paolo Sarpi e galleria Tina Modotti)

Sede de mostre dai foncs e des jerbis spontaniis par cure de associazion Micologia e Botanica Udinese

Orari de Mostre dai Foncs

La mostre dai foncs e vierzarà sabide ai 10 di Setembar aes 12.00 e si sierarà domenie ai 11 aes 20.00

Via Manin

La Società Filologica Friulana ospita la mostra "Scarpez da Cjargne" di Dina Della Schiava e Chiara Banelli

Mostra "Scarpez da Cjargne"

Cjanive de Filologjiche, ingresso da via Manin 18/a
6-11 settembre 2022
Orario di apertura: 10.00 - 12.30 e 15.30 - 18.00