Vini, Vivande, Vicende, Vedute
Friuli DOC e je la ocasion par scuvierzi, intun concentrât di emozions, la anime di un teritori autentic e fedêl ae sô identitât.
Udin, la capitâl dal Friûl, e je la sede naturâl di cheste grande fieste e lis ostariis udinesis il cûr dal so spirt.
Dongje dai vins furlans, dal San Denêl, dal Montâs, de Gubane e di dutis chês altris ecelencis furlanis, Friuli DOC al è ancje la ocasion di visitâ Udin, la citât dal Tiepolo, cui siei cjantons, i siei palaçs plens di storie e il so cjistiel elegant
Info traspuart locâl
Dal 10 ai 13 di Setembar la viabilitât dai mieçs publics che a traviersin il centri citadin al sarà sogjet a variazions di percors pe manifestazion Friuli Doc.
Lis liniis 1, 2, 3, 7, 8, 9 e 10 a cambiaran percors in direzion de stazion.
Lis liniis C e la navete pal Cjistiel a son sospindudis.
Lis liniis 81 e 82 modificadis in Plaçute S.Cristoforo e Vie Aquilee.
A saran istituidis fermadis provisoriis par sostituî chês soprimudis.
Plui informazions consultabilis sul sît www.tplfvg.it
Events, musiche, degustazions e laboratoris
Ce ch' al sucêt in citât
Joibe 10
La zornade de inaugurazion ti spiete cun grancj events e ospits di ecezion.
Vinars 11
Di matine a sere, i stands di Friuli Doc ti spietin par cerçâ i miôr prodots dal Friûl.
Sabide 12
No dome mangjâ ma ancje laboratoris, degustazions e events culturâi
Domenie 13
Ultime zornade, par respirâ ancjemò une volte il profum di Friuli Doc e provâ i plats tipics furlans prime dal tradizionâl conciert finâl