Le ricette

Il Friûl al è une tiere di confin che e cjape dentri Alps, Prealps, culine, planure e mâr, e chest incuintri di int e culturis diviersis al prodûs, in cusine, plats origjinâi e che no si spietisi. Tantis des nestris recipis plui famosis, come che spes al sucêt, a son nassudis par doprâ te maniere miôr i prodots che si cjatavin une volte. A son nassûts cussì il famôs Frico, Broade e muset, la Gubane, i Cjarsons, il Tocj in braide.

Il frico al è un plat famôs de tradizion contadine, fat cun patatis, cevole e un grum di formadi latarie, in particolâr Montâs. La Cjargne, dulà che chest plat al è nassût, e je di fat la zone dal Friûl di indulà che e je partide la produzion di Montâs. Par vê un frico plui morbit e di consistence compagne si tain i ingredients in piçui tocuts, cussì che si misturin miôr tra di lôr. Patatis e formadis a son di gratâ doprant lis busis plui grandis dal grati. Se si dopre formadi fresc si pues taiâlu a tocuts cul curtìs. Cuet te fersorie, il frico al fâs une biele crostuline crocante, cun dentri il cûr fof dai ingredients. Si servìs une vore cjalt. 

A disin che la origjin di cheste recipe, tipiche de Cjargne, a sedin i "caliscioni" di Maestro Martino, cogo personâl dal patriarcje di Aquilee tra il 450 e il 460 d.d.C.
A somein come forme ai agnolots e a son caraterizâts dal contrast tra il gust dolç e saurît.  La paste e je di forment tenar, cualchi volte di patatis. Dentri al è un pistum che al cambie di paîs in paîs, e al pues vê dentri ue secje, cacao o cjicolate, canele, spinaze, cevolute, scuete, marmelade, sgnape, savôrs, ûfs, lat e biscots. Cuets in aghe salade si cuincin cu la spongje disfate e la scuete fumade. 

Tipiche de tradizion slovene des Valadis dal Nadison, la Gubane e à une storie antighe. Il so non, che in Friûl al è metafore di ricjece e sazietât, al fâs riferiment ae preparazion dal pistum che le caraterize, che al à dentri coculis, nolis e pignûi, cacao e zucar, ue e pomis secjadis. Pe paste invezit a coventin farine, levan e aghe, spongje o margarine, ros dal ûf e mîl.